Ye kaisi majboori hai?
Kisi ke paas hain to kisi se doori hai
Jeevan ki anokhi ye neeti hai
Uusi se faslein hain, jisse preeti hai.
Jab sham ki belaaati hai
Mann mein halchal mach jaati hai
Dil vichlit sa ho uthta hai
Priyajano se milan ko tadapta hai
Jaise pinjre mein band panchi, udjaane ko lalakta hai.
Nar-Nari nahi varan pashu pakshi bhi
Shishuon ko lekar chupte hain
Jab andhkaar ke baadal ambar per gehraane lagte hain
Sochti hoon kaash ye ho pata
Udkar Maa ke aanchal mein chhupjati
Bhool jamane ke gam ko, ek meethi neeind mein so jaati.....
No comments:
Post a Comment