Kalam ki kalatmakta kamal ki hai...jisne jaise chaha istemal kiya...aur har bar hi is kalam ne dhamal kiya....jab bhi chale kuch naya hi kar jati hai....kabhi vicharon ko vyakt kare to kabhi sundar aakrati se harshati hai.....Mein ne, tum ne, sab ne iska prayog kiya.....iski hi shakti se koi kalakar, chitrakar, koi lekhak to koi kavi bana.....Vidyarthi ne pariksha mein bharpoor istemaal kiya....Rishiyon ne Ved puran likh devtaon ko samman diya....Vaigyaniko ne formulas likh kar Vigyan ka gyan diya....chitrakar ne aada tera ghuma ise Modern art ka naam diya....Kavi ne sundar mala mein piro in panktiyon ko kabhi kavita, kabhi shayari, kabhi doha to kabhi geet malhar ka aadaaz diya...aur kya kahein....kore kagaz ke vajood ko is kalam ne hi to maan diya...ye na hoti to kora kagaz kora aur itihass ka koi pramad na hota :)
Shukriya ee dost....Hamesha meri ungliyon ki shobha badhana.....Hamesha mere shabdon ko maan samman aur pehchan dilana :)
